TACLOBAN CITY — Dead on the spot an usa nga retired army mahuman nga pusilon han waray kakilal-i nga suspek ha Brgy Calutan, Gen MacArthur, Eastern Samar.
Nakilala an biktima nga hi Alberto Inciso Asis, 48 anyos an pangidaron ngan residente han Brgy San Isidro, Gen MacArthur, Eastern Samar.
Basi ha inisyal nga imbestigasyon han mga kapulisan, nga nagmamaneho han iya tricycle an biktima dida han may tigda nala nga tulo nga kalalakin-an nga nagpatahap nga masakay tipakadto ha Brgy Calutan, Gen MacArthur.
Pag-abot ha mao nga lugar in guinpusil ha usa han mga suspek an ulo han biktima nga nagresulta han dagmit hini nga kamatayon.
Ha pagkayana in nagpapadayon pa an guinbubuhat nga imbestigasyon ngan hot pursuit operation han mga kapulisan ha posible nga pangilal-an ngan pagdakop ha mga suspek.
