TACLOBAN CITY -Naugbaw an usa nga residential house ha Brgy. 2 Poblacion Jaro, Leyte.
Sumala kan SF04 Rolito F. Maca OIC Fire Marshal han Jaro, Leyte basar hiton inisyal nga imbestigasyon nagtikang an sunog ha second floor han usa nga residential house nga panag-iya hiton mag-asawa nga hira Elmer Ranocco 36-anyos, ngan Rebecca Gallano Ranocco 38-anyos an pangidaron, nga residente hiton Brgy. 2 Poblacion Jaro, Leyte
Dayon naman nga rumispunde an BFP Jaro ngan mga tinaglawas han Jaro MPS, mababaruan nga himo ha light materials an nasabi nga balay sanglit nga dayon ine nga nasunog.
Mababaruan nga maabot ha P100,000 an estimar nga danyos nga ginbayaan han mao nga sunog.
Gin-aaghat naman han nasabi nga opisyal an mga residente han nasabi nga dire dapat bayaan an mga gamit nga alanganin, lugod in panginanuon ngan pamarungon an tanan nga posible makag-kawsa hiton sunog.
