Nagpahayag hin kabaraka hi Rep. Paolo Duterte ha daw tarhog anay staff ni VP Sara. Basaha an bug-os nga detalye ngan panawagan para ha madagmit nga imbestigasyon.
-- Advertisements --

Nagpahayag hin kabaraka hi Davao City 1st District Representative Paolo “Pulong” Duterte may kalabotan ha report nga daw gintatarhog an kinabuhi han anay household staff ni Vice President Sara Duterte.

Sumala kan Duterte, kun tinuod an mga report, seryoso ini nga butang nga may kalabutan ha seguridad ngan mga katungod han nasabi nga anay empleyado.

Ini in kasunod han pahayag ni Atty. Paolo Panelo, tagapagyakan ni VP Sara Duterte, nga nakakarawat daw an Bise Presidente hin mensahe tikang ha anay household staff nga nangangaro hin bulig mahitungod nga aada ini ha kustodiya han pipira nga indibidwal ngan gintatarhog an iya kinabuhi.

Ginparehas gihapon ni Duterte an insidente ha nauna nga kaso nga ginkadabihan ni Jefry Tupas, ngan ginmalatumat nga may-ada pagkakaparehas an duha nga panhitabo nga nagkikinahanglan hin madagmit nga pagklaro.

Ginduon gihapon han kongresista nga kun may kalabotan an National Bureau of Investigation o iba pa nga ahensya han gobyerno, kinahanglan magin klaro ha publiko an ira nagin papel ngan mapagbaton an hin-o man nga mapapamatud-an nga responsable hini.