Nagpasalamat si PBBM sa mga Pilipino at lahat ng nagtaguyod sa matagumpay na pagho-host ng ASEAN Summit. Basahin ang mensahe ng pagkakaisa at pasasalamat.
-- Advertisements --

Nagpaabot hin pasasalamat hi Presidente Ferdinand Marcos Jr. ha publiko ngan ha ngatanan nga nagin kaparte han malinangpuson nga pagdumara han 49th ASEAN Summit and Related Summits ha nasud.

Gindayaw han Presidente an mga ahensya han gobyerno, mga personnel han seguridad, volunteers, media teams, ngan iba pa nga mga trabahador nga waray kapoy nga nagburubligay agud masigurado an maupay nga dalagan han katitirok.

Ginkilala gihapon han punong ehekutibo an importante nga papel han kada-tagsa nga sektor ha pagpabilin han kahimyang, seguridad, ngan mapaso nga pagkarawat ha mga lider ngan delegado nga bumisita tikang ha magkadurudilain nga nasud.

Labot la ha mga nagtrabaho ha luyo han summit, espisipiko nga ginpasalamatan ni Pres. Marcos an mga Pilipino nga naapektaran an ira kada-adlaw nga mga buruhaton ngan biyahe mahitungod han mga gindumara nira nga pangandaman ngan aktibidad kasumpay han ASEAN Summit.

Gintagan-importansya gihapon han Presidente an ginpakita nga pasensya, pag-intinde, ngan pakig-urusa han publiko ha bug-os nga panahon han rehiyonal nga kumperensya.