TACLOBAN CITY – Igpo-postponed la anay han syudad han Tacloban an plano nga himuon nga two-way an pira nga mga kakarsadahan han syudad.
Ini in sumala kan Restituto Reglos, Operation and Enforcement Unit han TOMECO Tacloban.
Dugang pa hini, mayda gumawas nga resolusyon tikang ha Sanggunian Panlungsod nga naghahangyo nga Komite han Transportasyon hin kadugangan nga pag-aram kabahin han nasabi nga pitad.
Plano gudman han syudad nga himuon nga two-way lane an karsada han Burgos, Gomez, ngan Zamora.
Panuyo unta han pag two-way han karsada nga makabulig ha sektor han transportasyon labi na ha mga MCH drivers nga makatipid ha konsumo han gasolina yana nga hitaas an presyo hini, resulta han kasamok ha Middle East.
Ha pagkayana, magpapadayon la anay an presente nga sistema kun diin one-way la gihapon an karsada han Burgos, Gomez, ngan Zamora samtang waray pa bag-o nga kamanduhan.
