TACLOBAN CITY – Ginpahibaro han Leyte National High School LNHS, nga pupukosan han ira eskwelahan yana nga pag-abre hiton klase an problema han mga estudyante nga maluya ha reading comprehension.
Ine nga pitad in agud nga mapanginano han mao nga eskwelahan an panhuna-huna han mga kabataan, matungod nga posible nga nagin hayahay la an mga ine samtang nagkakamyda hin modular learning modalities.
Sumala kan Bernie Jude Lamograr, Information Officer han Leyte National High School, nga paniningkamutan han mga ine nga matagan hin sulosyon an mga problema han mga kabataan ilabi na ha pantag hiton pagbasa.
Dugang pa han mao nga opisyal, nga yana nga pag-abre han klase in kinahanglan magkaurusa an ngatanan nga mga departamento hiton pag-aram para ha mga kabataan, agud nga mabuligan an mga ine nga madagmit maka-adopt utro han face to face classes.
Ginpaangbit pa han mao nga opisyal, nga kun susumahon in dapat ha lower grade level an pagtutdo han pagbasa ilabi na an mga bag-o nga enrollees, pero yana nga panahon in dire na angay magpaturuturiyang hiton mga trabahon, kun diin kun anu an akos nga buhaton han usa nga eskwelahan nga makakabulig ha pag boost han hibaru han kabataan in mas makaka-upay nga igpaangbit ine ha ira.
Hapagkyana, andam na an Leyte National High School para ha utro nga pag-abre han limited face to face classes.
