TACLOBAN CITY–Nakatalaan nga opisyal nga magtikang iton pagobserbar han Ramadan yana nga Huwebes, ika 19 han Pebrero.
Ine in subay han nagin resulta ha mga ginbuhat nga moon sightings han National Commission on Muslim Filipinos Bangsamoro Autonomous Region in Muslim Mindanao (BARMM) Darul Idta ngan pira nga mga Ulama group magin an Philippine Atmospheric Geophysical and Astronomical Services Administration (PAGASA) kun diin waray nakit-an an crescent moon.
Subay kan Sultan Esmael Mesug, Chairman han Brgy. 13 Shopping Center Tacloban City, ngan Vice President han Muslim Community han Tacloban City, kun nakit-an an bulan han gab-i ugsa han Ramadan, in obligasyon nga magtitikang an fasting o puasa.
Dugang pa hine, pananglitan naman nga dire magpakita an nasabi nga bolan nga ira ginbabantayan, in ig-uugsod ine ha masunod nga adlaw.
Mababaruan naman nga ha nasud, an moon sightings in ginbubuhat ha mga lugar han Cotabato City ngan Manila.
Gin-abisuhan gihapon han NCMF an mga muslim nga nagtratrabaho ha gobyerno ha nasud nga magin flexible ha oras han pagtratrabaho ha bulan han Ramadan.
