TACLOBAN CITY –Purluminos P6M nga kantidad hiton gintutuohan nga shabu nakumpiskar hiton mga otoridad ha gindumara nga drug buy-bust operation kanina hiton ka-agahon ha Barangay 66 Paseo de Legaspi, Tacloban City.
Nagresulta ine han pagkaka-aresto han duha nga mga suspek nga ginkilala kanda alyas “Topi” 35-anyos ngan residente han Brgy 106 North Hill, Tacloban City, samtang nakilala gihapon an upod hine nga hi alyas “Makmak”, 21-anyos ngan residente han Brgy 59-A Sampaguita Tacloban City.
Sumala kan Ronabeth De Paz So, Information Officer Tacloban city Police Office, nakuha ha posisyon han mga suspek, an damo ka sachet han gintutuohan nga shabu, kun diin mayda ine estimated market value nga Php 6,700,000.00.
Kalakip ha mga nakumpiska an 1 kabug-os nga digital weighing scale, 1 nga itom nga backpack, 1 nga sling bag, ngan an mga bugos money ha mao nga operasyon.
Ha pagkayana, kapot na hiton kapulisan, an mga suspek, ngan maatubang an mga ine ha kaso nga pagtalapas hiton Section 5, in Relation to Section 26 ngan Section 11 han Article ll han RA 9165.
