Gintanggal ni Presidente Ferdinand Marcos Jr. an pagkabaraka han publiko kasunod han deklarasyon han State of National Energy Emergency.
Ha iya Presidential Address, ginklaro han presidente nga nakapukos la an deklarasyon ha sektor han enerhiya, partikular ha problema ha suplay, ngan padayon nga paghitaas han presyo han lana.
Iginduon hini nga waray rason agud mag-panic, mahitungod nga nagios na an gobyerno agud maibanan an epekto hini ngan maagapan an posible nga pagduro han sitwasyon.
Sumala ha presidente, panuyo han deklarasyon nga matagan an gobyerno hin mas haluag nga kapas ngan damo nga opsyon agud makagios dayun kun kinahanglan.
Kaupod hini an malaksi nga pagpalit han suplay han lana han Department of Energy (DOE) hin dire na naagi ha halaba nga proseso.
Dugang pa hini, ha ilarom han Executive Order No. 110, mapapdagmit an kasyon han gobyerno agud masigurado an supresyente nga suplay ngan maproteheran an mga kunsumidor kontra ha padayon nga paghitaas han presyo han lana.
