Tahasan nga nanawagan an Malakanyang ha mga detraktor ngan basher han administrasyon, kaupod hi anay Spokesperson Harry Roque ngan Vice President Sara Duterte, nga ig undang na an pamumulitika ngan pan-ruba gobyerno.
Sumala kan Palace Press Officer USec. Claire Castro, dire napapanahon an mga negatibo nga sukna nga panuyo gubaon an imahe han gobyerno ha butnga han ginkakaatubang nga krisis han nasud.
Gin aghat ni Castro an mga ini nga makigbinuligay nala para ha ikau-upay han kada Pilipino.
Duon pa ni Castro, kun waray hira maupay nga yakaranon ngan kun puros pandaot la in umundang la anay hira o umundang nala hin permanente.
Dugang pa han opisyal, yana nga Semana Santa, kinahanglan gihapon ig ampo an mga magpakasasala ha kalibutan agud magkamay-ada gihapon gihapon hin pagkakaurusa imbes nga pankalugaringon nga interes an magdaog.
