-- Advertisements --
NATIONAL – Nagpagawas hin pahimatngon an Philippine Stock Exchange (PSE) ha publiko kasumpay ha paghurak han mga peke nga cryptocurrency investment scheme.
An nasabi nga mga peke nga cryptocurrency investment scheme daw in nagamit pa han logo han PSE.
Nagtikang daw ine ha usa nga online advertisement kun diin gin aaghat hine an mga investors nga magbutang hin kwarta pinaagi han PSE.
Gintatawagan han mga suspek an nasabi nga mga biktima para aghaton nga magdugang hin kwarta ha ira mga electronic wallets.
Pagklaro pa hine, waray hira bisan anu nga gintutugutan nga gumamit hin ira logo ngan dire hira nagbabaligya hin cryptocurrencies.
