PRO8 andam na ha pagpatuman han bago nga version han “Oplan Tokhang”
TACLOBAN CITY — Utro nga ginpatuman yana nga adlaw han Philippine National Police (PNP) an panibago nga bersiyon han “Oplan Tokhang”.
Ginkompirman han tagapagyakan han PRO8 nga hi PSInsp. Maria Bella Rentuaya, nga balik na utro an ira operasyon basi ha direktiba nga ginpagawas ni PNP Chief Director General Ronald Dela Rosa.
Sumala kan PSInsp. Maria Bella Rentuaya, nga mayda na yana hira mga kinahanglanun nga mga resokitos para hira in makag buhat hin drug operation.
Kinahanglan naman nga an tanan nga operasyon in nakipagsumpayan ha Philippine Drug Enforcement (PDEA).
Dugang pa ni Rentuaya, nga ha tanan nga pagbubuhaton nga tokhang nga aktibidad in kinahanglan mayda presente nga brgy. official, lider han Simbahan ngan sugad man Lider han kada lugar.
Manunumduman nga ginpatapod ni PNP Chief Dela Rosa nga mas papahuruhuguton pa han PNP an pagbabantay ala kontra ha “vigilante groups” nga ginsisingabot an oplan Tokhang para makagbuhat hin extrajudicial killings.
