TACLOBAN CITY– Ginmalatumat han Department of Trade and Industry DTI- region 8, nga regular hira nagdudumara hin monitoring ha mga basic necesities ha bug-os nga rehiyon.
Sumala kan Anthea Aivie Borbon Ancheta, Information Officer, DTI Regional Office Vlll, kanit an nasabi nga monitoring ha ira ginpatuman na price freeze matungod han paghingayad han San Juanico Bridge.
Dugang pa ni Ancheta, ha pagkayana, stable an pamresyuhan han mga pangunahon nga papliton ha merkado.
Ha lain nga bahin, padayon gihapon an ira pagbulig ha mga lokal nga paragbaligya para hiton mga lokal products.
Ginmalatumat naman hine, nga dire naman nalilikayan nga waray may nagpapasa ha ira hin petisyon para hiton price increase, matungod na gihapon padayon nga kasamok ha middle east, nga nagreresulta hiton pagmahal han krudo, ngan han mga raw materials.
Gintatalinguha naman han buhatan hiton DTI-National, nga waray matabo nga price increase kutob ha katapusan hiton tuig.
