TACLOBAN CITY – Ginpahayag han Department of Agriculture (DA) Regional Office 8 nga nagkaada na hin gutiay nga increase ha presyo han pira nga mga agricultural products ha rehiyon ha pagkayana.
Sumala kan Christine Colasito, tagapagyakan han DA Regional Office 8, ha ira monitoring pala ha syudad han Tacloban, mayda gutiay nga pag-gius ha presyo han bonay ngan karne hin manok nga maabot ha P20 nga increase, bangus nga mayda gihapon P20 increase, ampalaya, tarong, ngan pira pa nga mga utanon nga nagkaada gihapon hin gutiay nga paghitaas han presyo.
Ha pagkayana in nagpapabilin naman nga stable an presyo han asukar, bugas, ngan karnne hin baboy.
Ginsisiguro gihapon han DA nga padayon an ira monitoring ngan inventory han presyo ngan suplay han mga agri products ha bug-os nga rehiyon subay na gihapon ha direktiba ni Presidente Bongbong Marcos nga natindog kumo secretary han Department of Agriculture.
