-- Advertisements --
TACLOBAN CITY – Ginlalauman na han mga negosyante ha syudad han Tacloban an paghabubo han presyo han asukar ha masunod nga mga bulan kadungan han pagtitikang han milling ngan harvest season.
Sumala kan Eugene Tan, Presidente han Philippine Chamber of Commerce and Industry Tacloban Leyte Chapter, ginlalauman nira nga mahabubo an presyo han asukar ha rehiyon kadungan han milling season.
Makakabulig ha pagpapaubos han presyo hini an nakatalaan nga harvest season ha Ormoc City kun diin magkakaada na hin local nga suplay han mao nga commodity.
Nahibaruan nga ha pagkayana in ada ha P70-P80 an presyo han brown or washed sugar samtang maabot naman ha P90-100 an presyo han refined sugar ha pagkayana ha rehiyon.
