INTERNATIONAL – Nag-angkon hin injuries ha paa hi Iranian President Masoud Pezeshkian ha kabutngaan han pag-atake han Israel ha Iran han nakalabay nga Hunyo 16.
Ini in basar ha report tikang ha state news agency han Iran nga harani ha revolutionary guard.
Subay ha impormasyon, nasamaran an presidente han Iran han bumuto an unom nga bomba ha may access ngan entry points han usa nga sekreto nga underground facility ha Tehran, kun diin nagtambong hi Pezeshkian para ha usa nga emergency meeting han Supreme National Security Council.
Ha kaluyo han na-angkon nga samad, nahimo naman han presidente, kaupod an iba pa, nga makalagiw pinaagi han pag-agi ha usa nga emergency shaft.
Samtang, siyahan na nga gin-akusaran ni Pezeshkian an Israel han naglabay nga semana nga ginprobaran hiya nga patayon.
Pero igindiwara naman ini ni Israeli Defense Minister Israel Katz ngan iginpahayag nga diri lakip ha panuyo han giyera an pagbabalyo han rehimen ha Iran.
