TACLOBAN CITY – Ginpahayag ni Presidente Ferdinand Bongbong Marcos nga kutob yana in dire pa kompleto an Yolanda rehabilitation ha Sinirangan Bisayas tungod nga waray may ginbuhat para hini an nakalabay nga mga administrasyon.
Ha usa nga ambush interview kan Presidente Marcos mahuman hini nga pangunahan an distribusyon han mga titulo hin tuna ha mga parag-uma ha Sinirangan Bisayas, ginpahayag hini nga dire pa nakakab-ot an full recovery han Sinirangan Bisayas tikang ha naging distroso han Supertyphoon Yolanda tungod nga waray ini tutuki han mga naglabay nga administrasyon o presidente.
Dugang pa hini nga han nakalabay la nga duha katuig natikangan an rehabilitasyon ngan yana nga mag dodose katuig na tikang han pag-igo han bagyo in yana pala ini naasikaso hin tuhay.
Kasunod hini in ginpahayag naman ni anay presidential spokesperson Salvador Panelo nga possible nga sayop an impormasyon nga nakuha ni Presidente Marcos rason para makayakan ini nga waray nabuhat an naglabay nga mga administrayon ha Yolanda administration.
