TACLOBAN CITY – Ginpahayag han Traffic Operations Management Enforcement and Control Office (TOMECO) nga waray magiging pagbabag-o han presente nga traffic scheme ha syudad han Tacloban yana nga pagtikang han bag-o nga tuig 2021.
Sumala kan Ronnie Cornico, head han TOMECO, magbabalin an skema han trapiko ha syudad partikular na an mga naka-one way scheme nga mga karsada tungod nga nakikita naman nira nga naging maupay an dalagan han trapiko han naglabay nga tuig.
Magiging strikto naman hira ha pandakop han mga nakakatalapas han balaud may paghisumpay han illegal parking.
Labot pa hini in magiging strikto gihapon an TOMECO ha pagpapasakob hin mga van ha syudad kun diin mahugot nga igdidire an mga waray permit o prangkisa.Ginbulkas gihapon ha pagkayana an truck ban ha syudad samtang waray pa face to face classes an mga estudyante.
