NATIONAL – Gin sigurado ni Presidente Ferdinand Marcos Jr. nga mayda magbabaton ha pagbulig agud makagwas ha nasud an ginpatalsik nga mayora han Bamban, Tarlac nga hi Alice Guo.
Ginmalatumat hine nga an insidente in nagpapakita han korapsyon ha justice system nga amu an nagpapahinay ha pagtapod han publiko.
Duon pa hine, iya igsasapubliko an bisan hin-o nga indibidwal nga ada ha luyo han pagpapagawas ha nasud kan Guo.
Dugang pa han Presidente, nagpapadayon na an imbestigasyon ngan an bisan hin-o nga mapapamatud-an nga ada ha luyo han insidente in iya pagbabatunon ha balaod.
Waray daw lugar ha gobyerno an bisan hin-o nga opisyal nga gin uuna an iya personal interest kontra ha pagseserbi ha publiko.
Reaksyon ine han Presidente han mahipatik nga nakagawas na ha nasud hi Guo bisan kun mayda ine ginkakatubang nga kaso hiunong ha operasyon han Philippine Offshore Gaming Operation.
