TACLOBAN CITY – Ginpahibaro han pamunuan han Philippine Red Cross-Leyte Chapter Region-8, nga padayon an ira pakikipagsumpayan ha mga LGU’s ha rehiyon kun diin an mga ine in pwede nga makag-donate hin dugo kumo ira andam pananglitan mayda manginahanglan ha ira nasasakupan.
Sumala kan Erickson Feliciano Alarcon, Officer In-charge han Philippine Red Cross-Leyte Chapter Region-8, nga dire naman karuyag sidngon nga an dugo nga maidodonate han kada LGU’s in naka-alutaga la nga exclusive ha ira LGU’s ine naman in pwede gamiton han pira nga mga individuals bisan an mga ine dire residente han nasabi nga lugar.
Gin-aaghat naman hine an mga lokal nga pangobyernohan han Samar ngan Leyte, nga makipagsumpayan ha ira buhatan ngan magdonar hin regular nga suplay hiton dugo, agud nga makabulig an mga ine ha mga na nginginahanglan.
Dugang pa han mao nga opisyal, kasagaran mangud nga natatabo in gindadara nganhi ha Eastern Visayas Medical Center EVMC an mga pasyente tikang ha lain nga mga LGU’s, kun diin kadam-an ha mga ine in kinahanglan nga suplayan hin dugo.
Ginpaangbit pa han nasabi nga opisyal, nga dire la mangud mga taga-leyte an ginbubuligan han ira ahensya magin an mga taga- iba nga lugar sugad hiton Southern Leyte, Ormoc, Biliran, ngan Samar.
