-- Advertisements --
METRO MANILA – May indikasyon nga posible magkamayda hin rollback ha presyo han lana basar ha upat ka-adlaw nga trading yana nga semana.
Ini an ginpahayag ni Energy Sec. Sharon Garin.
Sugadman, ginklaro han Sekretarya an lima ka-adlaw (Lunes kutob Biyernes) an basaran han opisyal nga computation, sanglit ginhuhulat pa an market closing ugsa magpagawas hin pinal nga anunsyo.
Sumala kan Garin, kun magpapadayon an presente nga trend, posible magkamayda hin iban-presyo.
Pero posible magbag-o pa ini kun may paghitaas ha presyo ha urhi nga adlaw han trading.
Samtang, naglalaum gihapon an DOE nga an posible nga rollback, kaupod an subsidiya tikang ha LTFRB, in makakabulig labi na ha sektor han pampubliko nga transportasyon.
