-- Advertisements --
INTERNATIONAL – Posible mag-iha pa ha ospital hin pira kaadlaw hi Pope Francis, mahuman ine ma-confine dida han naglabay nga semana matungod han respiratory tract infection.
Sumala ha Vatican, nga nakitaan hin “polymicrobial infection” ha iya respiratory tract an 88 anyos nga Santo Papa.
Dugang pa han Vatican, nga igin-rekomendar han doktor nga magpabilin la anay hin pira kaadlaw ha Gemelli hospital ha Rome an Santo Papa.
Manunumduman nga dida han naglabay nga Biyernes in gindara ine ha ospital tungod ha bronchitis.
Pero ha kaluyo hine in ginsiguro naman ni Vatican spokesman Matteo Bruni nga ada ha stable nga kahimtang an Santo Papa ngan padayon pa ine nga nagpapatambal.
