-- Advertisements --
INTERNATIONAL – Patay an 31 ka-tawo, samtang 12 an samaran, mahuman nga madisgrasya an ginsasakyan gna panpasahero nga bus ha Yocalla, Bolivia.
Subay han mga otoridad, posible nga nawarayan hin kontrol an drayber ha bus nga nagresulta ha pagkahulog hini ha haros 800 meter tikang ha usa nga bangin ha nasabi nga lugar.
Dugang pa han kapulisan, 10 ha mga namatay in mga may edad, samtang 4 naman nga bata in aadto ha ospital kun diin pira in aada ha kritikal nga kondisyon.
Basar ha inisyal nga imbestigasyon, madagmit an dalagan han bus ha hitaas ngan kurbada nga parte han kalsada nga gin-aaligar nga nagin hinungdan han nasabi nga trahedya.
