TACLOBAN CITY– Ginsigurado hiton Police Regional Office 8, nga matatagan hin hustisya an mga nabayaan nga pamilya han 3 nga kapulisan nga namatay ha natabo nga engkwentro ha Sta. Margarita, Samar.
Sumala kan Pol. Maj. Marjorie Manuta, tagapagyakan han Police Regional Office 8, nga ira ginkokondina an natabo nga insidente, kun diin mahuman an panhitabo in nadakop naman han mga otoridad an pito nga suspek nga gintutuohan nga miyembro han Ampoan Criminal Group.
Samtang, dire naman kalakip ha mga nadakop an tulo nga suspek nga sibilyan nga seserbihan unta hin arrest warrant han nasabi nga mga kapulisan kun diin an mga ine in may kaso nga murder ha Gandara Samar.
Hapagkayana, padayon an ginduduamara nga imbestigasyon han mga otoridad ngan dire an mga ine ma-undang hangtod nga dire mapagbaton an mga walhon nga grupo.
