NATIONAL – Mahuman an nagin pasabog ni Police Lt. Col. Jovie Espenido ha ginbuhat nga ika-tulo ka-serye han House Committee Hearing kontra ha PNP organization, gin ayat naman ni PNP Public Information Office Chief Police Col. Jean Fajardo hi Espenido nga maggawas hin madig-on nga ebidenys ha iya akusasyon.
Ha nagin pagdungog, ginmalatumat ni Espenido nga an National Police in an pinakadako nga kriminal ngan organized ngan sindikato ha nasud.
Pag-eksplikar naman ni Col. Jean Fajardo, dire nira natutudlok kun diin nagtikang an impormasyon ngan magin an sulod han pahayag han kontrobersyal nga pulis.
Dugang pa ni Fajardo, kinahanglan nga pamatud-an ine ni Espenido mahitungod nga bug-os nga organisasyon an iya ginyayakan ngan dire usa la nga opisyal han pulisya.
Ha kaluyo hine in ginsigurado naman han PNP nga naka-andam ine nga mag-asister kan Espenido ha pagsasalawad hin kaso kontra ha mga pasaway nga pulis kun mayda ine maipapakita nga madig-on nga ebidensya.
