NATIONAL – Nakatutok yana an Philippine National Police (PNP) ha usa nga area ha sulod han Kingdom of Jesus Christ (KOJC) compound kun diin naka-detect daw hira hin heartbeat 20-30 meters tikanng ha tuna gamit an ground breaking penetrating radar.
Sumala kan PNP Spokesperson Col. Jean Fajardo, ginagamit nira an detector kada search and rescue operartions kun mayda kalamidad ngan nagbibiling hin sign of life.
Naabat daw gihapon hira nga nga ginpupugngan hira han mga taga-sunod ni Quiboloy nga makadaop ha nasabi nga area nga gintutukan nira.
Natuod an PNP nga aadto ha underground nagtatago an pugante nga pastor nga hi Apollo Quiboloy ngan an mga kaparehas hine akusado. Kasumpay hine in gin sigurado ni Fajardo nga harani na nira nga matad-an an secret entrance han nasabi nga underground.
Dugang pa ni Fajardo, dire maundang an kapulisan ha kaluyo han kapoy, piraw, ngan gutom ngan kasunod na gihapon han direktiba ni PNP Chief Pol. Gen. Rommel Francisco Marbil.
