NATIONAL NEWS- Ginkokonsidera la gihapon han Philippine National Police (PNP) nga “generally peaceful” an gindumara nga “Trillion Peso March” kakulop nga adlaw Setyembre 21.
Sumala kan Acting PNP Chief Lt. Gen. Jose Melencio Nartatez Jr. , an mga natabo nga kasamo in maikokonsidera la nga ‘isolated case’.
Gindayaw naman hine an mga kapulisan nga namintinar an kahimyang ha nasabi nga gios protesta.
Subay ha pagban-bana han PNP maabot ha 61,605 protesters an naki-usa ha bug-os nga nasud kun diin 33,720 dinha ha Metro Manila ngan 27,885 naman ha iba nga mga rehiyon.
Ada naman ha 50,000 nga kapulisan an naipasarang kun diin 29,300 dinhi in ha Metro Manila kump kaparte han Civil Disturbance Management (CDM) Units.
Ada naman ha 49 nga indibidwal an ira naaresto nga ginkakalakipan han 13 nga minor de edad matungod ha mga kaso nga iligal assembly, direct assault, malicious mischief ngan resistance to authorities.
Samtang umabot naman ha 70 nga miyembro han Manila Police Districts an nakag-angkon hin samad matungod han pira nga mga kasamok.
