TACLOBAN CITY – Ginduduso ha pagkayana han City Government an pagpapatuman han Plastic and styrofoam packaging regulation ordinance.
Sumala kan Atty. Jerry Uy City Councilor han Tacloban, han nakalabay nga Hwebes ginduso han majority an mao nga ordinansa agud maibanan an mga plastics nga nagsasarang ngan makabulig gihapon ha kalimpyo han kalibungan.
Subay han mao nga opisyal, iginbabawal na kunta iton paggamit hin plastics kun di pinaagi han packaging materyal.
Iginbabawal na iton sando bag sugad han mga gingagamit pagpalit hin mga groceries ngan tindahan ngan sugadman an styro foam.
Gin-aaghat naman an mga konsumidor o mga mamaralit nga magdara hin eco bag o kalugaringon kagamitan kun pananglitan mapalit ha mga tindahan.
Dugang pa hine nga may ada aatubangon nga penalidad an kada establisyento kun dire masunod han nakasubay ha ordinansa.
