-- Advertisements --
TACLOBAN CITY — Ginkompirma han pira nga mga Overseas Filipino Workers (OFW) ha Kuwait nga mas ginpapag-initan hira yana han ira mga employer mayhitungod ha iginpatuman nga deployment ban ni Presidente Rodrigo Duterte.
Ha pakipaghimangraw kan Arlyn Frak, nagdako ha Sinirangang Bisayas ngan presente nga nagtatrabaho yana ha Kuwait, nga gintanggal hiya han iya employer tungod la nga nakitan hiya nga kapot kapot an iya cellphone.
Storya pa hini nga ginprobaran gihap hiya nga kastigohon han iya employer.
Samtang, ginpapamulat naman hini an desisyon han Overseas Workers Welfare Administration (OWWA) kun hiya ba in papauli-on ha Pilipinas o magpapabilin ha Kuwait ngan magbiling nala hin panibago nga trabaho.
