TACLOBAN CITY- Nagpagawas hin komento an pira nga mga negosyante ha Sinirangan Bisayas may kalabutan ha naging performance ni Presidente Rodrigo Roa Duterte ha sulod hin usa ka tuig nga panirbihan hini ha nasud Pilipinas.
Sumala kan Jack Uy, presidente han Tacloban Filipino Chinese Chamber of Commerce nga kontento ini ha Duterte Administration mahitungod nga maribhong an ekonomiya han Tacloban nga nagangaruyag signgon nga may kauswagan ha pakabuhi han mga negosyante.
Gawas la ha sektor han ekonomiya, guindadayaw guihapon hini an pagtuka ni Duterte ha gyera ala kontra ha illegal nga droga.
Manunumduman nga nagpagawas guihapon hin magkadirudilain nga komento an pira nga magbaralaod ngan grupo hin mga katawhan ha Rehiyon 8 ha kun-ano an mga nabuhat ni Pangulong Duterte.
