-- Advertisements --
TACLOBAN CITY – Ginpahayag han pira nga mga negosyante han syudad, nga imposible nga pahamub-an an presyo han mga imported nga bugas ha P39 per kilo.
Sumala kan Eastern Visayas, Grains Retailers Confederation, President, Frederic Dy, makuri nga igpatuman an nasabi nga presyo matungod nga mahal an palit hiton humay, ngan pag-import han mga bugas nga imported.
Dugang pa hine, yana nga human na an harvest season, posible nga bumalik an pag-umento han lokal ngan imported nga bugas, matungod nga mahitaas an demand hine yana nga kapaskuhan.
Ginmalatumat pa hine, nga lauman na hiton mga konsumidor nga hinay-hinay mabalik ha normal nga presyo han bugas sunod nga tuig 2025.
