TACLOBAN CITY– Abuyon an Grains Retailers Confederation Eastern Visayas, ha ginpapatuman han Department of Agriculture nga food security emergency for rice ha bug-os nga nasud.
Sumala kan Grains Retailers Confederation, Eastern Visayas, President, food security emergency for rice, maupay ine nga pitad hiton gobyerno, ngan mas maupay kun naipatuman ine han nakalabay nga tuig.
Dugang pa hine, an pagpatuman mangud hiton food security emergency for rice, in may panuyo nga mapahamubo iton presyo han bugas ha mga merkado.
Ginpaangbit pa hine nga ha pagkayana, nadalagan ha P50.00 per kilo an premium na bugas ha merkado.
Ginmalatumat pa hine, nga an sugad nga pitad hiton gobyerno nga pahamub-an an presyo han bugas in makakabulig ha mga konsumidor nga makapalit ha barato nga presyo hiton bugas.
Ha lain nga bahin nanawagan naman ine, nga panginanuon gihapon ngan igkonsidera an sugad ha ira mga negosyante nga na-angkat hin bugas ha hitaas nga presyo, ngan igbabaligya ha hamubo nga presyo, kumo alinsusunod ha ginpapatuman nga food security emergency for rice.
