TACLOBAN CITY- Kadugangan daw nga paras-anon han mga motorista, ilabi na an mga MCH drivers an igpapatuman nga bag-o nga oil price hike yana nga adlaw.
Una hine, naghatag hin abiso an pira nga mga oil companies, nga magpapatuman an mga ine han ika – 2nd week nga oil price hike ha mga kumpaniya han lana.
Sumala kan Joseph Tangile, Presidente han MCH-Drivers and Operators han Tacloban, nga dako na liwat ine nga arad-yason para ha mga drivers dinhe ha syudad, ilabi na yana nga maluya an ira pasada matungod nga gutiay nala an mga nasakay nga mga pasaheros hiton MCH.
Dugang pa hine, porluminos 2,300 nga drivers han MCH an mayda dinhe ha syudad nga posible maapektaran han nasabi nga paghitaas han presyo han lana yana nga adlaw.
Mababaruan nga tupong na an pamasahe han MCH ngan PUV kun diin maabot ha P10.00 an minimum fare.
Ha lain nga bahin padayon naman ine nga nanawagan may paghisumpay han ginpapandestrebwer hiton gobyerno nga fuel subsidy, nga matikangan unta ha mga MCH drivers an panhatag han mao nga ayuda.
