TACLOBAN CITY — Makikiusa an pira nga mga grupo han mga parag-uma ha sinirangang bisayas ha pagbubuhaton nga malawakan nga gios protesta yana nga Setyembre 21.
Ginpahayag ha Bombo Radyo Tacloban ni June Berino, usa nga miyembro han progresibo nga grupo, nga kadungan han ira pakiusa han gios protesta an pagpakita han ira kasubo ha natabo nga Tag-ob Massacre ha Northern Samar dida han panahon han Martial Law ha ilarom han rehimeng Marcos.
Manunumduman nga ada ha 44 an nagkamamatay ha Tag-ob, Northern Samar mahuman nga ini nga ig massacre han mga kasundaluhan.
Dugang pa niya nga kaupod gihapon ha ira panawagan an pag-undang han diri makatawo nga kampanya ala kontra ha illegal nga droga nga kun diin damo na nga kinabuhi an nagkaaawat.
An kaparte han pamahayag ni June Berino, usa nga miyembro han progresibo nga grupo
Samtang, ginaaghat naman nira an pira pa nga grupo nga makiusa ha ira pagbuhaton nga gios protesta ha siyudad han Tacloban ngan ha pira nga parte han Northern ngan Eastern Samar yana nga Setyembre 21.
