-- Advertisements --
TACLOBAN CITY – Nagkaada an Leyte Police Provincial Office (LPPO) hin accounting han tanan nga mga armas o firearms nga ira nakumpiskar, narekober ngan ginsurender ha ira mga gindumara nga mga operasyon ha bug-os nga probinsya.
Sumala kan Pol. Lt. Hazel Vacal, Information Officer han LPPO, maabot ha 50 nga mga firearms an ira na-account kakulop nga adlaw.
An mga ini resulta han ira mas pinahugot nga simultaneous anti-criminality law enforcement operation nga gindudumara han 41 nga mga police station nga nasasakupan han LPPO.
Nanawagan naman ini ha mga nagtatag-iya hin mga firearms o pusil labi na gud an mga expired na an lisensya nga temporaryo ini nga igturnover ha mga kapulisan samtang ginproproseso an pagrenew han ira permit.
