TACLOBAN CITY – Malipayon nga ginpahihibaro han lokal nga pangobyernohan han Maripipi Biliran nga hinay-hinay na nga nakakabakdaw an tourist spots nga Sambawan Island ha mao nga lugar.
Sumala kan Mayor Joseph Canonoy Caingcoy han Maripipi Biliran, nga hapagkayana in hinay-hinay na gihapon hira nga nakarawat hin mga bisita ha Sambawan Island kun diin mayda hira 35-45 guest kada semana, samtang maabot naman ha 200 nga mga guest an ira naakomodar ha kada bulan.
Dugang pa han mao nga opisyal, nga kaudgan nga mga nabisita ha mao nga tourists spots in mga taga Eastern Visayas, samtang mayda gihapon mga langyawanon, ngan sugadman mga lokal tourist.
Ginpaangbit pa hine nga an iba nga mga mga infrastracture in padayon pa nga ginhihingayad.
Samtang ginmalatumat naman hine nga hapagkayana, in mayda na naka-installed nga generator ha mao nga isla, para magamit han mga karuyag nga mag-overnight.
Na-installed na gihapon an water tank nga magsusuplay hin tubig nga pwede magamit han mga turista ha mga comfrot rooms.
Hapagkayana naman presente nga ginhihingayad an water tank para han fresh water nga pwede magamit han mga bisita.
Nagpapabelin naman an entrance fee ha mao nga tourist spots, para ha mga lokal residence, samtang para naman ha mga turista mayda an mga ine entrance fee nga P20.00 para ha environmental fee, P80.00 entrance fee.
Nagpahibaro naman ine ha publiko nga pananglitan karuyag han mga ine nga bumisita ha nasabi nga tourist spots in mag pareserved hin cottage kun karuyag han mga ine gumamit, ine naman in nagkakantidad hin P1,500-P2,500 kada-cottages.
