TACLOBAN CITY — Nagpapabilin la gihapon nga positibo ha paralytic shellfish poison an pira nga mga baybayon ha sinirangang bisayas.
Basar ha pinakaurhi nga laboratory result han Bureau of Fisheries and Aquatic Resources (BFAR) nga an mga baybayon nga positibo ha red tide amu an Irong-irong, Maqueda, Villareal ngan baybayon han isla han Daram ha Western Samar, Matarinao Bay, ngan Carigara Bay ha Leyte.
Nagpapabilin naman nga talwas ha mao nga toxin an Cambatutay Bay ha Western Samar, San Pedro ngan Cancabato Bay ha Tacloban City, ngan baybayon han Calubian ngan Leyte, Leyte sugad man an baybayon han Biliran.
Samtang, padayon la gihap an pahimatngun han BFAR nga diri la anay manguha ngan kumaon hin bisan anu nga klase hin shellfish ha mga baybayon nga positibo la gihapon ha red tide.
