VILLABA, LEYTE – Apektado han pagbabaha an pira nga barangay han Villaba, Leyte mahitungod han makusog nga pag-uuran nga inabat dida han mga nakalabay nga adlaw.
Sumala kan Villaba Leyte Municipal Relations Officer, Teddy Vapor, dida han nakalabay nga semana in naka-eksperyensya hira hin makusog nga uuran labi na dida han duha kaadlaw—Lunes ngan Martes, nga nakaapekto ha mga barangay han nasabi nga bungto.
Pira nga barangay an naapektaran han pagbabaha labi na an Brgy. Hinabuyan kun diin bug-os nga barangay proper in nalunod ha baha, sugadman an mga barahaon nga lugar sugad han Sitio Trukat, Brgy. Payao, ngan Brgy. Hibulangan.
Dugang pa hine, kaurugan han mga ginbaha in mga umhanan hin humay.
Nagparu-padayon pa gihapon an pagbaha mahitungod nga pagka-Hwebes in umuran utro hin makusog ngan dida han mga sumunod pa nga adlaw.
Pira gihapon nga mga salog ha hagtaas nga barangay an umapaw nga nagresulta hin pagbaha, pero humubas gihapon dayun dida han pag huraw han uran.
