ODD – Usa nga watchmaker ha Russia an nakahimo hin pinakamanipis nga relo ha bug-os nga kalibutan.
An ThinKing, usa nga obra han Russian watchmaker nga hi Konstantin Chaykin, in gin kilala kumo pinakamanipis nga mechanical wristwatch ha kalibutang ha kanipis nga 0.165 cm la.
An relo in resulta han paisan-isan ha industriya han horology kun diin nagpakaritay an mga kilala nga brand agud makahimo hin pinakamanipis nga relo.
Gin disensyo an ThinKing gamit an makabag-o nga teknolohiya sugad han ultra-thin winding barrel ngan double-balance wheel system, nga dire na nagpapanipis kundi nagpapagaan gihapon.
Himo naman ine ha stainless steel nga kaya maakos an pressure han adlaw-adlaw nga pagsul-ot. Himo an strao hine ha alligator leather nga mayda titan ngan elastic inserts agud proteheran an relo.
Sumala ha nag-imbento hine, an ThinKing in pagpamatod nga padayon an pag-ursa ngan pagigin innovative han industriya han mga relo.
