Naagaw yana han atensyon an usa nga balay ha Aucallama, Peru mahitungod ha kakaiba nga sukol hini nga mayda la kahilapad nga 63 sentimetro o 24 pulgada, nga posible kilal-on nga pinakamakipot nga balay ha bug-os nga kalibutan.
Gin disenyo ngan panag-iya han lokal nga residente nga hi Fabio Moreno, panuyo han malamrag nga balay nga pamatud-an nga dire nakabase ha kadako han espasyo an kalipayan, kundi ha kun patiunan-o mo ini pagpapahimulusan.
Ha kaluyo han sobra kaguti nga sukol, kompleto ini ha pasilidad han usa nga moderno nga balay. Kasya ha sulod hini an banyo, kusina, dining room, pasilyo, kwarto, study area, laundry area, ngan mayda duha pa nga hagdan nga nagkokonekta ha duha kalapag hini.
Mabibilngan an balay ha atubangan mismo han main square han Aucallana ngan abri ini paras ha mga turista nga karuyag kumita. Sugdman, mahitungod ha sobra ha mahuot, imposible nga magsakto an duha o sobra pa katawo hin sabay ha sulod sanglit kinahanglan ini sudlon hin pausa-usa nga tawo la.
Nagpasa na hin aplikasyon hi Moreno ha Guinness World Records para ha opisyal nga titulo. Bisan man kun ginhuhulat pa an beripikasyon ngan opisyal nga pagsukol han mga eksperto, kumpyansa hiya nga makukuha niya an nasabi nga world record.
