An Nano Tracks N320 in usa nga miniature remote-controlled excavator nga bisan kun 1/64 la han aktwal nga kadako han tinuod nga excavator in dire la usa nga mulayan kundi usa nga fully functional nga excavator.
Subay ha website han Nano Tracks N320, ini in mayda unom nga fully independent, proportional motors, nga naghahatag hin precise control ha kada gios. Mayda gihapon ini electronic slip ring, ngan mga independently controlled boom, dipper, bucket, swing, ngan mga track.
Ha panayam kan Jonathan Abbott, an nag-imbento han Nano Tracks N320, nagtikang ini duha ktuiga na an nakalalabay han madiskubre niya ha YouTube an usa nga hobbyist group nga nagmumulay gamit an gudti nga remote contolled excavators.
Nalipay hini, sanglit nagtikang hiya magbiling hin mga sugad nga klase hin excavators online, pero waray hiya may nakit-an. Didto in nagdesisyon hiya nga bumug-os hin iya kalugaringon himo.
Mahuman nga mag-alutaga hin 2,300 oras ha pagbug-os hini, nagmalinangpuson ini, ngan iginlunsar ha Kickstarte, agud makatirok hin pondo para makaghimo hini hin mas damo ngan maibaligya commercially.
Ha presente, nagkakantidad hin $120 an usa nga Nano tracks N320.
