Nadukdok han Ahmedabad Municipal Corporation (AMC) an Guinness World Record title nga “Largest Flower Bouquet” mahuman nira bug-uson an pinakadako nga flower bouquest ha kalibutan dida han Enero 7, 2025.
Gin tawag nga “Unity Blossom,” an dambuhala nga bouquet nga mayda kahitaas nga 33 feet nga kahilapad nga 10.844 meters. Ginbubug-os ini ada ha 11,700 nga mga buhi nga bukad hin chrysanthemum. Igin bid an higante nga installation kumo kaparte han tinuig nga Ahmedabad International Flower Show ha Sabarmati Riverfront, nga panuyo magpakita han mayaman nga kultura, mitolohiya, ngan padayon nga pag-ursa han India.
Mahitungod ha kakaiba nga kahusay ngan kadako hini, umabot ha sobra 158,000 nga turista ngan lokal nga residente an bumisita ha syahan nga tulo kaadlaw han exhibit. Resulta han kalangpusan hini, ginpahilawig ini kutob Enero 29 imbes ha orihinal nga iskedyul.
Sumala ha mga residente, duro nira nga iginkalipay an tema hini nga nakapokus ha relihiyon ngan kultura nga nagpapakita han pagkakaurusa ha kaluyo han pagkaka-iba iba
