ODD NEWS– Usa nga mag-tatay ha South Africa an nakaghipatik hin world record mahuman nga makabug-os hin pinaka-madagmit nga drone ha bug-os nga kalibutan.
Ginkumpirma han records keeping organization nga Guinness World Records nga an mag-tatay nga hira Mike ngan Luke Bell an nakahimo han Peregreen 2, an pinakabag-o nga record holder han titulo nga “Fastest Ground Speed by a Battery-powered remote-controlled quadcopter”. Ang nasabi nga drone in may kalaksi nga 298.47 miles per hour (mph).
Subay ha mag-tatay, an ira drone in himo ha 3D-printed carbon fiber. Battery-operated ine ngan ginpapagana pinaagi han remote control. Labot ha ira nga duha, bumulig gihapon han pagbug-os hine an aerothermal engineer nga hi Chris Rosser.
Hi Mike Bell in usa nga architect nga nagdisenyo han Mbombela stadium kun diin nahitabo an 2010 FIFA World Cup. An iya naman anak nga hi Luke in usa nga Youtuber nga nagre-review hin mga camera ngan drones ha iya mga social media accounts.
