Padayon nga kapot han Shinsegae Centum City ha Busan an titulo kumo pinadako nga department store ha bug-os nga kalibutan, usa nga pagkilala nga naagaw hini tikang ha Macy dida han 2009.
Subay ha mga report, haros imposible na nga matugbangan ha yana an 16-kapalapag nga istruktura mahitungod ha bilyon-bilyon nga pondo nga kikinahanglanon agud magtindog hin mas dako nga establisyemento.
Dire la ini simple nga palitan hin produkto. Labot ha sobra 700 nga mga tindahan, nagsusulod gihapon an higante nga shopping complex hin damo nga pasilidad nga dire kaurugan nga nakikita ha lugar.
Kaupod dinhi an art galleries, usa nga haluag nga ice rink, ngan golf course nga mayda 60-tee driving range. Mayda gihapon ini mga sinehan, usa nga tradisyunal nga Korean jjimjilbang (o bathhouse), usa nga office tower, ngan usa nga pampubliko nga parke nga mayda tema nga dinosaur ngan pirata.
Subay ha management, duro hin kahiluag han lugar sanglit aabuton hin pira kaadlaw ugsa malibot ngan makita an kabug-usan hini.
Mahitungod ha kahiluag ngan kadamo han mga atraksyon, nakaghipatik an Shinsegae Centum City hin kakaiba nga rekord ha industriya han komersiyo. Ini la an nag-uusaan nga mall ha bug-os nga South Korea nga nakaghipatik hin 2 trillion won so sobra P77 bilyon, nga transakyon ha sulod ha duha nga magkasunod nga tuig.
