NATIONAL – Ginpahuru-hugot pa an air ngan naval patrols ha Escoda Shoal kumo suporta ha Philippine Coast Guard (PCG) vessel nga BRP Teresa Magbanua nga pauru-utro nga ginbunggo han mga China Coast Guard vessel dida han nakalabay nga adlaw, pira kaadlaw la mahuman nga magkamay-ada ine hin mga kaparehas nga insidente nga ginkadabihan gihapon han mga Chinese.
Ginbuhat han taga-pagyakan han Philippine Navy for the West Philippine Sea nga hi Rear Admiral Roy Vincent Trinidad an pahayag ha butnga han paghitaas han presensya han mga barko han China ha lugar nga ada ha sulod han exclusive economic zone han Pilipinas.
Pero gin klaro han PH Navy official nga an mas pinahugot nga pagpapatrolya in dire nangangaruyag-sidngon hin pagde-deploy hin mas damo nga asset ha lugar.
Dugang pa hine, ginbabantayan han BRP Teresa Magbanu an lugar mahitungod han mga nahipatik nga tambak nga rumok nga coras, sanglit karuyag daw han mga ine makasigurado nga dire ine man-made.
Gin klaro gihapon han opisyal nga dire ine hiunong ha kun hino an mayda pinakadamo nga butang o deploy hin barko ha Sabina Shoal.
