TACLOBAN CITY – Magtitikang na nga magdeploy an Tacloban City Public Employment Service Office (PESO) para ha syahan nga batch han mga benepisyaryo han Special Program for Employment of Students (SPES) program yana nga tuig.
Sumala kan Katherine Singzon, Focal Person SPES PESO Tacloban, nga yana nga maabot nga adlaw han Lunes, Hunyo 13, magtitikang an mao nga deployment han mga young workers.
Dugang pa han nasabi nga opisyal, nga maabot ha 101 nga benepisyaryo an tumambong ha pre- deployment orientation nga gindumara han mao nga buhatan kun diin an mga ine in kwalipikado ha mao nga programa.
An mao nga mga benepisyaryo han SPES in igdedeploy ha magkalain-lain nga departamento han City Government Office, ngan an mga ine in magseserbisyo ha sulod han 20-ka adlaw, kun diin makaka-karawat naman an mga ine hin P547 per day nga sweldo o kabug-usan nga Php10, 940.
Ha mao nga sweldo, 60% dinhe an magtitikang ha lokal nga pangobyernohan han syudad, samtang an 40% naman in magtitikang ha buhatan hiton DOLE.
Mababaruan, nga tinuig nagkakamayda hin sugad nga prgrama nga SPES, kun diin panuyo hine in makabulig ha mga estudyante ha ira mga pangarastoson ngan kabaraydan ha eskwelahan.
