TACLOBAN CITY–Nakahitala hin 2,825 nga drug cleared barangays an Philippine Drug Enforcement Agency (PDEA) Region 8.
Ginmalatumat ni Rogellette Urgel, PDEA Regional office 8 Information Officer han ika 5 han Disyembre, nga ha ngatanan nga 4,365 ka barangay ha rehiyon, 2,825 ha mga ini an drug-cleared, samtang 111 naman an drug-affected.
Siring gihapon han Information Officer nga nakahitala hira hin 2.54% nga drug affliction.
Gin-eksplikar naman ni Urgel nga kun ma-deklara na nga drug-cleared an mga drug-affected nga barangay upod an 14 nga dedeklara nga drug-free, magkakamayada na hin drug-free o cleared status an rehiyon.
Mababaruan nga nagkaada hin regional office site committee meeting ha Southern Leyte han ika 4 han Disyembre kun diin mayada mga candidates nga na-apply or napa retain han mga drug cleared or drug free status nga ginkukuhaan pa nira hin mga update.
Samtang, pwede ig-report an mga suspiscious activity ha pinaka hirani nga PDEA Office pati na gihapon an PDEA OTSO Facebook account.
