TACLOBAN CITY – Ginpapahibaro han Philippine Drug Enforcement Agency, PDEA Regional Office-8 an publiko nga tinikangan han pagtikang han bulan han Agusto in nagbag-o na an ira oras han serbisyo ha ira opisina ine in subay ha Civil Service Commission (CSC) Resolution No. 2200209.
Sumala kan Rogellete Urgel, Information Officer han PDEA Regional Office-8, nga ine nga bag-o nga polisiya in gintatawag nga flexible work arrangement han mao nga ahensya kumo pag-implementar han Alternative Work Arrangement tinikangan yana nga bulan han Agusto.
Dugang pa han nasabi nga opisyal, nga mag-aabre an ira opisina kinada Martes ngada Biyernes alas 8:00 hiton aga kutob alas 6:00 hiton kulop.
Ginmalatumat naman han nasabi nga opisyal nga usa ha mga ginkokonsidera nga rason han National Office han PDEA, in an pagmahal han pamasahe, matungod na gihapon han paghitaas han presyo han produktong petrolyo.
