NATIONAL NEWS– Andam an Philippine Charity Sweepstakes Office nga gamiton an bulang para igbalik an mawawara nga kita ha goyerno mahitungod han ginpatuman nga total ban ha Philippine Offshore Gaming Operators, o POGO.
Ha budget briefing han PCSO ha Kamara, gin ayat ni Deputy Speaker David Suarez an PCSO nga magbiling hin innovative o makabag-o nga paagi para mabawi an revenue loss nga ha pagbana-bana han Bureau of Internal Revenue in maabot ha P10 bilyon.
Labot pa hine ha 25,000 nga Pilipino nga empleyado nga mawawarayan daw hin trabaho mahitungod ha pagsasara han POGO.
Gin pahayag pa ni Suarez nga mahitungod nga hasta yana in hurak la gihapon an online gambling o e-sabong ngan dire ine napapa-undang, posible nga igpaagi daw “proper policies”, safety nets, ngan balaod an operasyon han remote cockfighting o bulang.
Ha sugad daw nga paagi in maipo-promote an in-cockpit betting ngan mauundang an pagsusugal online.
