TACLOBAN CITY – Ginpahayag han Philippine Crop Insurance Corporation (PCIC) Regional Office 8 nga maabot na ha 2, 733 nga mga parag-uma ha Southern Leyte nga naapektaran han bagyong Odette an ira nabayaran o napa-insured pinaagi han ira programa.
Sumala kan Benita Alberto, OIC Marketing & Sales Division PCIC Regional Office 8, ha mao nga ihap han mga parag-uma, maabot ha P12.4 million an kabug-usan nga kantidad nga ira naibayad.
Kasagaran han mga ini in mga parag-uma hin high value crops, saging, kalubisan ngan abaka.
Damo gihapon an ira nabaydan nga fishing boats nga nadistroso han naglabay nga bagyo.
An mao nga programa in pinaagi han free insurance premium subsidy han PCIC para han mga parga-uma nga rehistrado o listado ha Registry System for Basic Sectors in Agriculture (RSBSA) han Department of Agriculture.
